Allt að gerast

Núna erum við búinar að vera í þessu prógrammi í 11 daga og ég er enn á lífi. Allt gengur vel, búnar að prufa ýmislegt í sporthúsinu. Líst svakalega vel á þessa líkamsræktarstöð. það er allt í boði þarna.

Ég er heldur betur búin að taka til í matarræðinu hjá mér. Búin að henda út það sem ég hélt að ég elskaði ofsa mikið, já við erum að tala um Cola light.Fór ekki í gegnum daginn nema drekka nokkrar dósir.Það fór varla annar vökvi inní mig nema cola light. Nú er ég ekki búin að drekka það í 10 daga og líður velmeð það.Í alvöru hélt ég að ég mundi fara í fráhvarf, en svo er ekki eins og er. 

Eins er ég búin að snúa við öllum matarvenjum hér á heimilinu.Var örsjaldan með fisk, núna er búin að vera fiskur 3x í viku. Mikið um salöt og kjúkling.Ég reyni að borða á 3ja - 4ja tíma fresti. Þar reynst mér stundum erfitt, þar sem ég á það til að gleyma að borða millimálin. Ætla að reyna bæta það.

Ég er að fíla þennan lísstíl í botn, er svo þakklát fyrir að hafa verið valin í þetta skemmtilega verkefni. Árangurinn er fjótur að sjást, bæði finn ég mun á fötunum mínum (ekki leiðinlegt) eins sef ég betur og líður vel á eign skinni.